Тул ваштареш кучедалше службын да тергыме (надзор) пашам виктарен шогышо отделын пашаенышт тул ваштареш кучедалме нерген умылтарыме пашам эртарен шогат. Тыге кажне кечын, яллашке лектын, илыме суртышто электровоштырым, конгам да тулеч молымат тергат. Тыгак тул деч аралалтме нерген памяткым, листовкым пуэн кодат. Южыжо тыгай кагаз кулешак манын, йытыран поген пышта, «Пелашемланат лудыктем» — манын ушандара. Верын верын, «Мый тендан деч поснат шуко палем!»,- манын, торжан каласыше-влакат лектыт.
Ял уремым терген савырнымек пале: кудо суртышто чыла шотыштат тул ваштареш кучедалме мерым пален шогат, эскерат, жапыштыже тергат, куштымым шотыш налыт. А лиеш тыгеат: пелен илыше пошкудын суртышто электровоштыр тоштемше, алюминий гыч келыштарыме, тыгайжым шукертак ву:ргене электровоштыр дене вашталтыман ыле. Конгажат шорын каен, туньыкшат теве сумырлышаш, суртозажат кочовудым подылаш йоратыше, эше тамакым тургыкта. Суртоза шкетын илыше, шкеж гай йолташым поген чучкыдын пайремла гын, пален шогыман: тыгай пошкудо туткарыш логалын, тыландат экшыкым конден кертеш. Теве У Ийын икымше кечыштыжак Юлсер кундемыште Ярамарий ялыште пожареш ик енын умыржо курылтын.
Пален шогыман:
— электричество ден конга веле огыл, тулым ылыжтен сенат. Тыгак газым эскерыман, газ баллонным кучылтмаште кулеш мерым палыман.
— урем могырышто, капкаш «Огнеопасно. Баллоны с газом» табличкым келыштарыман.
— шырпе, сорта, тамак, бензин дене эскерен пайдалыман, йоча деч умбакрак корандыман.
— телым капка ончылно корным кертмыда семын кумданрак эрыктыза. Турло службын техникыжлан пураш лийже.
— личный автомашина урем корным петырен шогышаш огыл.
— пу орам, стройматериалым уремыште, капка ончылно опташ ида тырше.
«Йошкар агытанын» озаланаш туналмыжым ужыда гын, сотовый телефон дене 010 але 112 номер ден путыралза.
Аралыза шкендам, родо-тукымдам.
Л. Богданова, тул ваштареш кучедалше службын инженерже.
 |
|
|
|